Dostojevski ka qenë kryesisht një mendimtar dhe profet i krishterë

Fakulteti dhe studentët e Akademisë Teologjike të Moskës morën pjesë në një prezantim më 15 dhjetor të një projekti unik të dedikuar ndaj dyqind vjetorit të shkrimtarit të madh rus, të titulluar “Ungjilli i Dostojevskit”.

Më herët në 1850, Fedor Dostojevski, 28 vjeç, i dënuar për konspiracion socialist dhe i dënuar me punë të rëndë, mori në burgun e qytetit të Tobolskut në Siberinë perëndimore një kopje të Dhiatës së Re. Kjo ngjarje vuri në lëvizje rilindjen e tij shpirtërore, që e bëri atë një shkrimtar, mendimtar dhe profet të shquar të krishterë.

Për dhjetë vjet, një grup studiuesish rusë të mbështetur nga shoqata bamirëse e Ringjalljes së Tobolskit ka qenë duke punuar me projektin e “Ungjillit të Dostojevskit”:  një botim faksimil i Dhiatës së Re me të gjitha shënimet anësore të shkruara nga dora e Dostojevskit, komentet gjithëpërfshirëse mbi to dhe punime kërkimore që lidhen me ndikimin e Shkrimit të Shenjtë ndaj novelave, tregimeve dhe eseve të tij”.

Duke iu adresuar audiencën, Presidenti i Akademisë, proto presviteri Vadim Leonov, foli për efektin e fuqishëm të shkrimeve të Dostojevskit për të gjitha vendet e kombet, duke ndihmuar për të sjellë konvertimin e tyre dhe hyrjen në Kishën Orthodhokse, ndonëse nuk kanë asgjë të përbashkët me Rusinë ose me trashëgiminë orthodhokse. Prandaj, tha në përfundim, Atë Vadimi, Dostojevski shquhet jo vetëm për librat e tij të mrekullueshëm, por edhe për misionin e krishterë që ka kryer me anë të librave të tij të mrekullueshëm.